目錄 登入會員 購物車 {{currentCart.getItemCount()}}

i just want to hold her for a little longer

source: BeardoComic

[ 寫字 ]

喜歡這個定義. 古希臘格言. 2018/09

[ 認真埋數中 ]

老細, 今個月條數得唔得呀? 2018/08

[ K1 開學了 ]

返學真係咁好玩?
洗唔洗咁開心呀? 2018/08

[ 孩子的名字 ]

世上最動聽的聲音, 就是每個人的名字, 特別是由愛你或你愛的人說出. 店內有一張兒童摺凳, 皮革上烙有女兒的名字, 是店長送給女兒的禮物.

相信對於很多在等待新生命來臨的父母來說, 其中一個最令人期待和興奮的任務就是為小孩起名. 嗯, 叫什麼好呢?

小女的名字是店長起的. 為了日後要向女兒交代, 總不能太亂來, 所以店長報了幾個八字班和姓名學班. 上了大半年, 由於沒有慧根, 感覺有點庸人自擾, 但過程相當有趣, 算是開多了一個視角.

雖然應用了些玄學法則, 但重要的是, 店長及內子希望藉此過程, 為女兒的名字注入我們的期許, 祝福和愛意. 2018/06

[ 女兒三歲生日 ]

今早大家關注的可能是即將在新加坡舉行的世紀會面, 而店長及內子的焦點卻在妳這娃兒身上. 小女兒三歲了, 生日快樂啊.

還清楚記得三年前的這個時候, 妳媽正在産房奮鬥著. 妳要永遠愛妳媽媽喔. 偶爾都要親親爸爸的. 2018/06

[ 運動 ]

搬傢俬好傷腰的, 拉下先. 2018/05

[ 爸爸幫囡囡紮辮班 • 費 ] 

今早老婆話 “喂, 我要整早餐呀, 你幫阿囡紮好個頭啦, 遲到喇." 吓… 點紮!? 企左係度. 老婆大人, 我唔係唔想幫手, 但我真係唔識呀!

唔識就學, 既然要學, 不如一齊學啦! 小弟目標十分清晰, 只想幫阿囡紮到一兩條最簡單既辮. 有女兒但完全唔識紮辮的你, 歡迎帶埋囡囡一齊黎玩.

地點: 美麗的 harmony
對象: 2-6歲女孩及「完全唔識紮辮」的爸爸
每組: 只限1個爸爸1個女兒 (俾媽媽休息下啦)
每班: 10組父女
內容: 最最最基本最簡單的紮辮方法, 由零開始. 2017/11

 

[ 短線旅行 ]

趁旺季前同家人去左個短程旅行, 為人父母的你一定明白, 帶住個2歲BB去旅行, 是辛勞中作樂 :)  2017/11


[ 第一條片 ]

為標誌 Harmony 踏出一小步, 微微擴充, 小店想有條短片展現我地實木傢俱既簡約.寧靜.優雅, 亦為自己留個紀念.

我地唔識拍片, 又冇 budget, 點算好呢? 天使總會在適當既時候出現. 有一位舊客上黎睇傢俬, 閒談中講到依個話題, 自薦義助幫忙, 仲要配埋音樂… 感激不盡. 多謝 #Leo #阿邦

似乎有唔少客人比較欣賞我地既 #胡桃木傢俬, 所以今次拍攝會以美國胡桃木為主, 希望大家會鍾意啦. 2017/10

[ 行花墟 ]

告訴大家一個秘密, 未開傢俬舖之前, 原本係打算開間花店的. 因花, 識木. 朝早行花墟, 有陽光, 賞心悦目, 是店長和內子很喜歡的活動, 大家不妨去下, 自癒的. 2017/10

[ 國際家具展覽 ]

去左上海睇國際家具展覽, 行足兩日, 腳軟.

意大利法國等歐洲傢俬, 冇想像中貴.

第一次坐磁浮, 430 km/hour.

同左好多唔同國家既同業傾計, 好開心.

和女兒一起成長的傢俱店 2017/09

[ 你的禮物 ]

阿囡高燒, 擔心中... 常跟朋友說, 女兒是上天賜予我家的禮物, 而「harmony」則是我為自己製造的禮物. 透過營運它, 及客人們的支持, 使我能夠供給父母妻兒基本生活所需, 亦有相對較彈性的自主時間, 特別是在家人生病時可以作出時間分配, 感恩.

禮物可以是單純的快樂, 亦可是學習, 鍛鍊, 成長的台階. 如「harmony」, 要在資本微薄及眾多優秀同業的環境下存活, 給了我智力發展的空間. 高溫下搬運大量重物, 海量沉悶的文書工作, 供我磨練意志的機會. 為不同類型客人服務, 亦給我放下身段的考驗, 小店有自己的姿態, 但客人的感受亦不得不考慮, 適當的歉卑還是必要的. 不過相比起要照顧好教育好一個小朋友所需投入的心力, 開間小店不算什麼.  2017/08

[ 未圓桌 ]

出於好奇, 問了幾位不同國藉的木匠, 什麼時候他們感覺最滿足? 答案有點意外, 他們大致的回應竟是「未完」. 意思是, 當傢俱生產至 8-9 成將近完成時感覺最滿足.

於我呢? 言之尚早. 木製傢俱在出廠後, 還會一直隨著環境及使用者的生活習慣不斷變化, 最終的「真正完成品」可能會在幾年後才出現. 如果若干年後, 有客人說類似以下的話:

「它來時近乎完美, 現在舊了色深了, 有些裂紋, 滿佈歲月痕跡, 但我就是不想換新的.」

「起初, 整體可以, 但常常介懷幾處木紋木色上的不完美, 現在看來, 一切都是自然不過的事, 那些獨特的樹結紋理成為了我能認出它的記號, 感覺到它陪伴著我成長.」

「收貨時沒有什麼感覺, 現在我常常想觸模它.」

那, 圓了.  2017/06

 

[ 女兒兩歲生日 ]

女兒, 在妳還在媽媽肚子裡時, 爸爸想到總有一天妳會來問我有關人生的問題.

面對這類問題我也很怕, 但我更怕不能給妳最起碼的開導. 看了很多書, 回顧了過去三十多年的經歷, 思考了很久. 以下, 是爸爸對這世界的一點認知和體會.

人生, 就是追求幸福的過程. 在有限的生命裡, 了解什麼是對自己真正重要的, 作出負責任的選擇, 並付諸行動. 可以的話, 學懂欣賞沿途風光.

坦白說, 爸爸還在探索中, 但我想為妳作出示範. 不是說, 我要讓妳看到我去到那一點, 而是讓妳看到我在路上.

爸爸對自己的信念是堅定的, 但對使用的方法常抱懷疑, 而事實上我亦常犯錯, 常失敗, 不過沒有什麼大不了. 有妳及妳媽媽在旁, 我會進步的. 2017/06

[ 確切能感受到的溫柔 ]

我希望自己可以成為溫柔的人. 在我三十初, 有幾年的時間一直在思索要怎樣過我的人生, 有機會再分享, 但有兩個字, 對於我在追求幸福的道上, 十分重要, 溫柔.

男士們大多都偏愛溫柔的女士, 隨著人生歷練, 對溫柔的了解亦有所不同. 收鋪回家, 正在耍野蠻的女兒看到爸爸手上因搬傢俱導致的傷痕, 爬過來, 指著瘀黑的地方說痛痛…然後輕輕的撫摸, 說呵呵 (呵護個呵), 是溫柔, 入心的, 治愈的.

溫柔, 於我, 很難, 還在學習中. 沒有堅毅和忍耐, 欠缺歉卑和同理心, 最多徒有其形, 是柔弱. 我的體會是, 溫柔需要一顆平靜的心去盛載. 心靜已很難, 是嗎?

點解講溫柔, 事緣老婆想換風扇, 家中現用的太剛烈太嘈, 我喜靜, 老婆吹風會頭痛, 阿囡會流鼻水. 老婆搵左好耐, 最近同我講, 搵到部好溫柔既風扇, 岩曬阿囡訓覺用, 我心諗, 咩呀… 但就係咁觸動左我既神經.

大家都可能聽過 Balmuda 既 GreenFan Japan 同埋知道佢既優點, 咁我就省略, 用一句講, 它為你送上的 「是確切能感受到的溫柔」.

試後感:
音極靜 (近乎冇聲, 最大風量時有少少)
自然風 (風感好特別, 媽媽般溫柔, 郊野般自然)
送風區 (可自定, 可細範圍擺動, 有用)
手觸感 (紮實不重, 單手拎起時出奇地平衡)
外觀值 (蘋果級簡約, 有趣的是, 它好像不存在)
安全度 (穩陣, 手指難入, 日本兒童設計大獎)
拆包裝 (已經係樂趣, 安裝超易)  2017/05

[ 星島 • 家天地 ]

感謝睇樓王家天地的報導.

特別多謝 Crystal & 溫小姐.

2017 May 06 vol.782

http://stp.stheadline.com

 

[ 目標 ]

2017 過左兩個幾月, 傢俬業務上未有咩新動向, 希望平穩慢慢發展, 客人滿意之餘, 自己又可以有較多時間陪伴女兒. 反而係個人層面, 就有啲目標想做到. 同大部份爸爸媽媽一樣, 小朋友出世後, 時間上既分配難免幾乎完全側重於照顧BB同埋搵奶粉錢, 而小店長亦因為咁, 暫停左兩個多年既習慣 (其實仲有其他興趣都停曬).

(1) 做番少少運動 
以前一星期跑1-2次步, 練1-2次拳, 幾乎每日做伸展運動. 新目標, 起碼一星期1次30分鐘帶氧運動 (搬傢俬唔計). 帶埋阿囡去都勉強算啦.

(2) 睇番少少書
以前一個月2-4本冇難度. 新目標, 1-2個月一本. 數量其實冇咩所謂, 重要既係希望可以重拾閱讀既樂趣. 鍾意閱讀既朋友都應該明, 如果心境唔夠平靜, 有好多野要兼顧時, 其實都幾難放鬆, 專注, 享受, 睇書既過程.  2017/03

[ 商業秘密 ] 

小店現況是這樣的… 地方不大, 講唔上有咩格調, 好多傢俱都係隨意擺的, 裝修亦好簡陋, 不過… 我當依度係我第二個家. 同大家分享一個秘密, 我地用係裝修上既費用, 係 $0. 牆冇油, 膠地板舊的, 門窗冇換, 天花燈及射燈路軌都係上手剩底的, 我地只係加左幾支燈就搬入黎.

倘若你覺得我地依度還可以, 你可能係鍾意… 我地既實木傢俱, 唔同花店既花藝作品, 店長既小擺設, 店長畫既畫, 店長常聽既音樂, 店長看過既書籍, 店長女兒既相片… 2017/02

[ 新年快樂 ]

依個星期全職湊女, 我地年初八啟市. 祝大家新年快樂, 家庭和睦, 萬事如意, 和和諧諧. 2017/02

[ 十大家居流行元素 ]

去旅行前想同大家分享一篇關於 Pinterest 根據全球用户發佈圖片和搜尋量, 預測今年最流行既家居十大元素既報導. 只係記得5樣, 不分次序:

• 攀爬植物 - 依個預測同 Pantone 公布既 2017 年度顏色 Greenery (草本綠或青翠綠) 有啲相似. 不過我地認為重點在於有生命力既綠, 唔係綠色牆身綠色傢俱, 而真係要種植物, 將有生氣既翠綠移入家中.

• 木磚 - 依個係香港已經興左一段時間, 冇補充.

• 床頭櫃 - 我都唔知點解依個會上榜.

• 黃銅 - 感覺內歛, 同土豪金既霸氣耀眼成對比. 有人覺得黃銅會氧化, 好快會變得暗啞. 有人就係鍾意佢既低調, 同果份歲月感. 當黃銅與上實木傢俱, 一個字, 好夾.

• 深藍 - 大面積既深藍. 報導話, 乾淨白色簡約主義正在慢慢被藍調超越, 大家可能唔同意, 因為起碼係香港白色肯定仲係主流 (雖然已經冇以前咁興). 點解係香港油深藍色牆身既人唔算多, 估計可能同空間大細有關, 大範圍既深藍 (相比白色) 需要更多既空間去營造效果. 不過用得好, 好正. 2016/12

[ 節奏 ]

小店長遇到一個難題, 就係感覺女兒最近冇咁痴我. 女兒媽媽話: 「梗係啦, 你自從上月準備搬鋪開始一直咁忙, 少左同佢玩, 你再唔陪佢多啲佢唔彩你添呀. 」 點算好呢?

舊鋪就話可以一個星期開15個鐘姐, 新店近左地鐵站租金貴左, 加上可能係眼見其他同業做得好出色 (真心的), 好多間一個星期開足6-7日全日, 就好似有股無形力推著我要不斷工作, 打亂左生活節奏. 步伐係快係慢, 其實冇咩問題, 但係亂了節奏問題就出現了.

靜落黎考慮過自身情況同意願, 我地決定營業時間為一個星期5日, 逄星期三至日, 每曰下午2時-7時. 希望依個安排可以另到傢俱店更好的融入我生活之中. 感謝各位理解及支持, 希望大家都可以掌握番自己既生活節奏, 謝謝. 2016/11

[ 一小步 • 我地要搬喇 ]

未上過黎既朋友可能想像唔到我地係一間點樣既傢俱店, 等我描述下, 小店位於工廈樓上鋪, 面積只有 280 呎, 每星期只開 15 小時. 起初好多人以為依份係我既兼職, 唔係呀, 全職事業黎架. 有咁既安排, 除左因為剛起步規模細, 主要係想有多啲時間陪伴家人, 特別係照顧當時只有半歲大既女兒. 仲有就係想親自為客人送貨安裝, 35 度又好, 大雨又好, 可以去都盡量親自去.

就係咁樣過左 9 個月, 都記唔到安裝過幾多件傢俬了, 而小女兒亦大過左少少, 有親人幫忙照顧, 感覺係時候要踏出另一小步. 新店, 十月見.

圖中就係舊鋪, 4 個字, 一眼睇曬. 2016/09

[ 誠意推介 • 借分享 ]

訪問了 100 位生命快走到盡頭的老人, 問人生最大的遺憾, 結果發現大多與他們做過什麼無關, 反而是關於他們沒做過什麼.

世上沒有平滑的山峰, 爬上人生頂峰, 並沒有捷徑, 壓力挫折批評必然伴隨. 你可選擇駕御邁向成功的歷練, 或選擇抱憾終生的痛苦. 我們大部份人都是普通人, 不一定有偉大的抱負, 不一定想改變世界, 但相信所有人都不想有什麼大遺憾, 並希望擁有幸福的人生. 你的人生有多幸福, 取決於你有多好運作上帝賜給你的禮物, 你有多懂得欣賞這世界. 不遲, 現在就行動. 

偉人之所以會發光發亮, 因為他們是用生命去追求夢想, 是一輩子的堅持. 2016

[ 小書籤 ]

開業之時, 我們在卡紙上寫了一些祝福語或鼓勵短句當作小書籤, 準備了近一百張, 盒上寫著 「攞一張丫」, 之後隨意放在小店一角, 今早發現盒內竟然只剩餘 4 張. 2016

[ 重要的 • 優先做 ]

聽說很多成功人仕都是早上五點就起床, 如是真的, 怪不得成功一直離我很遠, 因對於睡眠我已實行積極不干預政策多年 (即是自然醒). 最近工作開始有點忙, 可能是多了自己送貨關係, 所以都是晩飯後才有時間陪女兒. 其實可以這樣已不錯了, 只是晚上大家都倦意, 感覺相處時間的質量不比早上好, 所以今早獨自六時起床, 換片, 餵奶, 穿衣, 同BB去公園散步, BB好像好開心呢.

把每日重要的事情在早上做, 感覺的確良好, 不奢求早起些會跟成功拉上什麼關係, 但願可向幸福走近一點點. 2016

[ 木的配搭 • 人的相處 ]

早前跟一位家居雜誌編輯談到有關實木傢俬配搭的話題會否建議追求全屋用同一種木材等等.

其實實木傢俬很容易配搭試著放眼大自然一個樹林當中有著大量不同品種的樹木有深色有淺色有粗獷有細滑十分多元但我們不會覺得不協調反而很順眼百看不厭感覺非常和諧

而一個家的和諧就是因為所有成員都不一樣各有各的外貌與性格但藉著彼此尊重包容和欣賞加上時間蘊釀一個溫暖的家就此出現了不用過份擔心不同木材的問題只要學懂欣賞再花點心思配襯你的家會很美. 2016

[ 木餐桌 ]

如果只可以選一件實木傢俱我會選餐桌因可視面積大木感較易出多用途經常接觸還有就是一家人一起食飯十分重要天然木材可以使人放鬆以及有份凝聚及親和力.

至於餐桌是圓好或是方好風水學說的「旗鼓印箱聯」中的鼓就是圓桌名氣來自鼓鼓要大所以中國古時大户人家的餐桌幾乎都是大圓形的圓桌方便多人同時溝通亦有助減少一家之主或老板最大的階級感覺

縱使如此以和諧為名的我們還是以方形為主因為家庭結構變了以前是大家庭現在多數是 1-4 人的小家庭一張小小的方形桌都夠了加上近年香港人特別是新一代很喜歡日式簡約傢俱當中長方餐桌配以長凳十分受歡迎更重要的是現實問題方形桌較圓形慳位呢. 2016

[ 有比這更溫馨的搖搖椅嗎 ]

坐在爸爸的大腿上輕輕的搖晃著聽他說故事然後…睡著 z z z...來自美國的手工木匠 Hal Taylor 是三個小朋友的爸爸最喜歡說故事給他們聽但當他第三個小孩出世後他發現他的大腿已經無法一次過坐下三個孩子了因此他設計並親手製造這張命名為「 StoryTime Rocking Chair .

這張搖搖椅售價為 7500 美金先不用滴汗給你一個好消息有錢人跟普通人一樣大家一日都是只有 24 小時只要你願意付出時間和愛心這樣的幸福你都可以擁有. 2016

Source: www.haltaylor.com/storytime.html

[ 因為有 • 世界更美 ]

每個人的到來都是為了讓這個世界更美好停留在安全的區域沒有問題但如果你想將光明帶到更多地方成為別人的天使或許你要走出來迎向未知

光明, 可能沒有你想得複雜, 可以是簡單地為小孩扭一個喜悅可愛的氣球可以是為客人煮一頓充滿幸福感的晚餐亦可以是為女仕們製作出一張愛不惜手的實木梳妝枱. 2016

[ 一年計劃 •  ]

(與子女對話

想像自己看著自己的兒女出生成長她開始懂事了有一天她以天真好奇的眼神望著你問道“爸爸/媽媽你的一生是怎樣過的?先不用急不用慌對於這些近乎人生意義等神級問題真的很難回答但你知道你的答案對她是重要的而她亦會有一天知道你的答案是否與事實相符.

舉例你的回應可能是 “媽媽一生除了愛家人及被家人所愛之外很多的時間都在做著與花有關的工作因為我希望將花的美好跟別人分享.” “爸爸年輕時過得很安逸但迷茫一直不知幸福在那裡直至有了妳後才發現幸福就在妳在媽媽在爺爺嫲嫲在家中在日常全情投入的工作及運動中而爸爸特別喜歡設計和跑步兩者都可以令我感覺平靜和諧滿足.

把你的答案作為方向今年的計畫為階梯一步一步向前邁進加油喔 ! 2016

一年計劃 • 上 ]

相信有好多朋友每年年初都會為自己定下一些一年計劃之類有目標是很重要的但不容易定實行就更難想同大家分亨兩個小小心得.

(十年後的自己

靜下來想像自己十年後的樣子慢慢來看到嗎是你想見的嗎如果不是請按你的意願塑造一下並記下來例如你的外形會是怎樣身邊有什麼人在那裡在做什麼等等你有了個大概方向了現在請你寫下你今年要做什麼 5 項具體事情最好不要多過 10 才可以走近你心目中十年後的自己. 2016

[  B&A Magazine  ]

謝謝 Before & After 的訪問呀 ! 2016

[ 競爭 • 和諧 ]

香港花藝師雜誌將聯同 16 位有熱誠的花藝師在小店舉辦 "2016 年新娘花球潮流前瞻小型展覽讓一眾準新娘愛花的朋友及花藝界的同業可以一次過看到 16 款不同風格的新娘花球.

是次活動除了鼓勵花藝創作為準新娘帶來方便小店認為更有意義的是想看看在這高租金及被認為是高度競爭的環境裡有沒有方法有沒有人願意去嘗試把「競爭變和諧」一種多元的共同得益的和諧這次展覽的所有持份者 (包括參觀者花藝師策劃單位場地單位都不用付費的大家只是更好的利用本身資源傾出時間及心力去做好一件事. 2016

[ 平安夜 ]

讓別人來決定自己快樂與否就是貧窮

如果你不拋棄喜樂沒有人能自你身上將之奪走或許有人會刻意批評你試圖傷害你但除非你選擇被傷害否則他們不可能達到目的當我們覺得被人傷害的時候其實就是自己傷害自己試試吧以喜樂的心去看待世事.

願大家有個開心的平安夜及取回自己快樂的決定權. 2015

[ 智力 • 勞力 ]

自從中五時跟朋友去過地盤做暑期工之後都好似沒有做過需要體力勞動的工作. 在這幾天搬傢俬的過程中, 體會其實用雙手用勞力去完成一件事情是很有滿足感的. 2015

[  •  ]

常說, 健康是 1, 事業財富等等是 0, 沒有 開始, 再多的 亦毫無價值若從家庭的角度看呢? 我們相信, 和諧的家庭關係就是 1. 

房子再寬敞, 裝修再豪華, 傢俱再優美, 如果沒有了人與人之間的關懷和信任, 有的只是一間屋, 一個空間, 及一些物件, 是人賦予這些東西溫度及意義. 不論你喜歡北歐/日式, 田園/科幻, 懷舊/現代, 工業/民族風格的房子, 我們相信每個人心底都渴望擁有一個幸福的家庭. 2015

[ 愛惜 • 保養 ]

一位與妻子共渡五十載的老伯伯分享夫妻相處之道「現在的人物質富裕習慣了物件有問題就棄掉買新的. 但在我的年代裡人們普遍很珍惜自己所擁有的物件東西壞了就修破了就補而我亦是用這態度對待太太」幸福是細水長流的要經得起歲月磨練愛惜和保養是必需的.

實木傢俱是天然的有機體會呼吸的太乾燥太潮濕都不適宜但只要定期做些很簡單的保養只要你願意繼續珍惜這種幸福它可以陪伴你數十寒暑而且越用越有韻味2015

[ 心不變 • 腳在動 ]

網上流傳的一句話「圓規能畫圓因為心不變腳在走人不能圓夢因為心不定腳不動. 如果人們心已定手手腳腳腦袋都在動但仍未能圓夢那怎麼辦

我的看法是, 不用急幸福不在終點在自己獨有的道路上用自己安心的步伐堅持向著目標前進並學懂欣賞沿途風光那就是實現夢想就是幸福2015

初心 ]

我的寶貝女兒 100 日大了感恩她健康平安小弟亦在今天決定在事業上作出新的嘗試. BB出生後其中最大的感受是生活得更有意義休息少了辛勞多了但心靈卻更充實更幸福我在想除家庭生活外我還可以做更多嗎或許是因為有了BB後, 對家庭有了新的體會希望之後的工作也與家有關最後想到傢俬方向還不是很清楚, 但先試試看, 店名『Harmony』. 2015