MENU CART {{currentCart.getItemCount()}}
The maximum number of items is 100, please adjust the quantity and purchase again

Maritime Bay . 600 ft

全屋裝修項目

動工日期: 2021年09月20日

完工日期: 2021年12月15日

工程項目: 全爆, 間隔, 水電, 牆身, 廚廁, 地磚等.

 

兩個半月準時交場,等戶主一家四口可以有新屋過聖誕。女戶主是一位全能的全職媽媽,成日係單位傾裝修時,都話要趕住走,唔係趕住去接送阿囡返學放學,就係買餸,買建材,買家電,辛苦曬. 而男戶主,感覺同小店長一樣,只要老婆同阿囡鍾意就好,正所謂 Happy Wife,Happy Life。至於兩位囡囡,屬於搞笑氣氛組,特別係細果個,萌爆。

講返個單位,整體開則真係幾好,600 呎有三房兩廁,個廳仲可以咁寬敞。今次係全屋裝修,除左鋁窗,窗台石,一些電制位保留,其餘都係新做的。

[客廳]  戶主比較希望現款傢俱,廳及房一件入牆傢俬都沒有。相中的不是最終型態,拍照時還有很多傢俬還未到。
[廚房]  女户主每天下廚,亦有裝修經驗,對於廚房既佈局已有頗為明確既想法,我地主要負責從旁協助,提供技術上既建議,少少美觀上既分享交流,同埋最重要既係做出來。
 
• 洗滌區和煮食區分兩個高度,改雪櫃和洗衣機擺位,拆走廚房門和吸咀。
 
• 天花有橫樑,上手係陣底裝鋁片假天花,樓底矮左好多。我地改用石膏板天花,分兩級,將原先遮住左既空間釋放返出黎,空間感好好多,吊櫃又可做大啲。
 
• 原電制箱保留, 依個都限制左雪櫃既大細同擺位.
 
• 發展商既神設計,水閘總掣藏係牆入面,我地挖返佢出黎,萬一日後總掣漏水都可以維修到。
[浴室 ]  户主要求明確,要有一個浴缸,方便幫兩位小朋友沖涼,同玩水,不要砌的,要白白滑滑及方便清潔的。想要多啲活動空間,同小朋友刷牙洗臉換衫都鬆動啲舒服啲。簡潔明亮就好,唔洗咁多櫃。我地問客人:要鏡櫃嗎,擺下野都好。客人話:唔洗呀,我地唔多野。
 
• 原本有幅 Z 形既牆分開兩個洗手間,既唔好用又唔好睇,消滅佢,再拉返平,變返兩個方形。
 
• 企缸浴屏,改浴缸浴簾。去水位用唔返,要 Core 窿。
 
• 要搭棚,換熱水爐煙囪,同牆外喉管。
 
• 廁櫃改位,用個較細的。坐廁同廁櫃前方咩都冇,空間寬裕。
 
• 同廚房一樣,改用石膏板天花,分兩級避陣位,將原先遮住左既空間放返出黎,樓底即時變高。

[三間睡房 ]  主人房及兩間囡囡房

[套廁 ]  我地輕輕改左啲啲間格,將套廁改細少少,改返四四正正,好用啲,另一邊既客廁就大返啲。用石膏板天花,白白滑滑,唔係常見既鋁質假天花。如果配內藏式射燈,會再好 feel 啲,不過客人有兩位小千金,都係光猛啲好。

[隨影]

[施工中] 

[裝修前 ]