輕裝修項目

動工日期: 2021年11月26日

完工日期: 2022年01月05日

傢俬: 衣櫃, 床架, 邊櫃, 鞋櫃, 餐桌, 餐椅, 長凳, 茶几, 小豬, 西牛凳

依個係2021年11月底動工既「輕裝修」項目, 客人想係農曆新年前搞掂, 最後我地係 2022年1月初就交場, 包括訂造傢俬, 同埋我地既實木傢俬.

如果唔計客人曾經黎過小店睇傢俬, 計埋簽約收支票果日, 都只係見過女户主一次, 男户主兩次. 事後問番客人先知, 原來佢地期間都只係去過單位兩三次. 感謝客人既信任.

原本打算新年後影番輯相, 點知第五波疫情… 睇住施工同入傢俬時, 用手機隨手影既相先, 更真實. 頭兩張係客人入住幾個月後影俾我地的, 謝謝喔!

[ 睡房 ]

訂造左兩件傢俬, 改左些電制位, 安窗簾.

床就係一張好厚重, 但視覺上好似凌空既黑胡桃木床. 全實木制, 天然木蠟油塗層.

衣櫃用夾板配防火膠板飾面製作. 客人揀左隻粗獷度較高既飾面, 要求櫃入面都貼埋膠板, 效果又真係再靚啲. 間隔, 尺寸, 抽屜款式, 櫃頂加燈等都係客人設計的. 唔好以為個櫃唔到頂就好細個, 嘉悅樓底3米幾, 做到陣底都差唔多有2米7.

[ 書房 ]

裝修起貨時, 小豬西牛住曬. 安電動窗簾, 裝燈, 洗冷氣等等.

[ 廚房 ]

廚房唔多野整。客人換左幾件家電。我地就負責將個天花整返白雪雪，維修依樣果樣等。

[ 洗手間 ]

主要係翻新天花，木門, 維修及更換配件等等。全屋既門都要噴油翻新，原本係有唔少撞凹同大量頑固膠水膠紙漬的。依家平平滑滑，顏色就跟客人意思去噴。翻新木門其實唔係咁好玩的，好多工夫，加上嘉悅既原裝門比一般屋苑既門高出一大截，原裝木框多凹凸級位，仲要有排百葉，更花時間。

[ 實木傢俬 ]